Синоќа во музејот Метрополитен во Њујорк се одржа Мет Гала која воедно се нарекува и најважниот моден настан на годината, а темата беше „Заспани убавици: Повторното будење на модата“.
Модниот кодекс беше „Градина на времето“, а најпознатите модни куќи и светски познати дизајнери беа задолжени да ја интерпретираат и презентираат споменатата тема на креации што ги носеле познатите гости.
Почнувајќи од Џенифер Лопес, која беше една од копретседавачките на овогодинешното издание на Мет Гала, преку Ким Кардашијан, Рита Ора, Шакира, Тајла и други познати личности, најважните личности од светот на шоубизот прошетаа тепих прилагоден на тема на настанот.
Секоја година, листата на гости ја одобрува главната уредничка на Vogue, Ана Винтур, но присуството не е само со покана - има и скапи билети.
Time објави дека поединечните билети за Мет Гала 2024 година, на која се собираат средства за Институтот за костими на Музејот на уметноста Метрополитен, чинат 75.000 американски долари, од 50.000 долари во 2023 година. Масите почнуваат од 350.000 долари.
Масите обично ги купуваат дизајнерски куќи, брендови или компании, кои потоа избираат кого сакаат да поканат на масата, за што е потребно и одобрение од Ана Винтур.
Кендал Џенер воодушеви во фустан од Givenchy од 1999 година со слоеви од црн и проѕирен тул што го покриваа нејзиното тело. Исечен детал на половината ја истакна нејзината фигура, а ова парче облека имаше повеќе од 100.000 извезени мониста и светки.
Емили Ратајковски носеше винтиџ фустан на Versace од колекцијата есен/зима 2001 година.
Рита Ора носеше шарен фустан со мониста со исечоци по телото. Таа изјави за Vogue дека материјалот од мониста датира од „првиот и вториот век пред нашата ера“.
Ким Кардашијан се појави во фустан од Maison Margiela кој имаше сребрен корсет и металик елементи, а особено впечатлив беше нејзиниот неверојатно тесен струк.
Џенифер Лопес носеше фустан од Schiaparelli кој се состоеше од 2,5 милиони рачно шиени монистра.
Јужноафриканската пејачка Тајла беше една од највпечатливо облечените гости на Галата, облечена во фустан од песок во кој едвај се движеше.
Ирина Шајк белсна на Мет Гала во фустан целосно направен од кристали Swarovski. Фустанот со длабоко деколте на супермоделот беше покриен со 84.000 кристали и беа потребни повеќе од 200 часа за да се создаде, според Vogue.
Зендаја беше уште една славна личност која го красеше синоќешниот настан, појавувајќи се во сино-зелен фустан од Maison Margiela со гранки и овошни детали.
Дуа Липа воодушеви појавувајќи се во готски црно-бел чипкаст корсет и здолниште на Marc Jacobs, во комбинација со мрежести ракавици и наметка од пердуви.
Кога зборуваме за најдобро облечените мажи, меѓу нив секако е и Бед Бани, кој се појави во креација на Maison Margiela.
Шакира изгледаше неверојатно во огнено црвена тоалета на Carolina Herrera со долга опашка до подот, драматични ракави и шлиц до бутовите.
Еди Редмејн и неговата сопруга Хана Багшоу му го доверија стајлингот на лондонскиот дизајнер Стив О’Смит.
Фустанот на Џиџи Хадид беше украсен со 3D рози, а креацијата на Thome Brown ја правеа повеќе од 70 луѓе во текот на 13.500 часа.
Никол Кидман носеше реинтерпретација на иконскиот фустан на Cristobal Balenciaga од 50-тите.
Лана дел Реј се појави во кремав фустан на Alexander McQueen со детали во форма на гранки од дрвја и превез кој ѝ го покриваше лицето.
Лил Нас X носеше креација на Раул Лопез од Лоара која беше украсена со 50.000 кристали Swarovski.
