Биткоин денес достигна рекордна цена, во моментов над 65.000 долари.
Криптовалутата се искачи над претходниот максимум од 64,889 долари во април оваа година.
Се зголеми за 4,2% за 24 часа и сега се продава за околу 65.607 долари, пренесува Coindesk.
Растот на вредноста на битконот следеше откако вчера беше започнато првото тргување на берзата со фјучерси на биткоин.
ETF ProShares Bitcoin Strategy почна со тргување по цена од 40 долари по акција под кратенката BITO и заврши со пет проценти.
Фондот ProShares е првиот од неколкуте ETF што допрва треба да се видат на Волстрит. VanEck, Invesco, Valkyrie и Galaxy Digital се меѓу неколкуте инвестициски компании кои аплицирале до Комисијата за хартии од вредност за лансирање биткоин ETF.
Одобрувањето на ETF е пресвртница за индустријата
Вредноста на биткоинот се зголеми овој месец во пресрет на почетокот на тргувањето со фјучерси на акции и благодарение на фактот дека зголемен број институционални инвеститори почнаа да го купуваат.
Неговата цена се зголеми и покрај постојаните критики од извршниот директор на JPMorgan Chace Џејми Димон, кој неодамна рече дека е безвреден.
„Одобрувањето на ETF е пресвртница за индустријата“, рече претседателот на фондацијата за Bitcoin, Брок Пирс, во изјава за CNN Business.
„Овој момент се чекаше долго. Бројни претприемачи и компании го чекаа ова од 2013 година, откако побараа одобрение од регулаторите“, додаде тој.
Почнува ера во која малите инвеститори можат директно да инвестираат во биткоин
„Почнува ера во која малите инвеститори можат директно да инвестираат во биткоин преку ETF и служи како дополнителна потврда за биткоинот и криптовалутите низ целата земја и на глобална основа“, додаде Пирс.
Експертите истакнуваат дека ETF ќе го доближи биткоинот до масите и ќе му овозможи на просечниот инвеститор да учествува во тргувањето без дa „рудари“ самостојно.
„Веруваме дека многу инвеститори со нетрпение го очекуваат започнувањето на ETF поврзан со биткоин, по долгогодишни напори да се започне“, рече извршниот директор на ProShares, Мајкл Сапир.
„BITO ќе ја прошири достапноста на биткоин на голем дел од инвеститорите кои имаат брокерски сметки и тргуваат со акции и ETF, но не сакаат да поминат низ процесот на регистрација во разни менувачници.“
Важно е да се напомене дека со купување на ETF на ProShares не станувате директен сопственик на биткоин, туку се обложувате само за идната цена на таа криптовалута.
