Во текот на трката на Формула 1 во Монте Карло се случи несреќа, болидот на Мик Шумахер се преполови од силината на ударот во заштитната ограда.
Несреќата ги шокира присутните на патеката и гледачите на малите екрани. Младиот Мик Шумахер во 27 круг ја изгуби контролата над болидот и удри во заштитната ограда. Ударот беше толку силен што болидот буквално беше преполовен на два дела.
За среќа, Мик брзо излезе од болидот, покажувајќи дека не е повреден. Синот на легендарниот Михаел Шумахер оваа сезона имаше сличен судир на трката во Саудиска Арабија. И тогаш, за среќа, мина без проблеми.
