Главниот симптом што може да укаже на COVID-19 е болката во грлото, покажуваат податоците на 17.500 луѓе кои рекле дека биле позитивни на тестот за коронавирусот оваа недела.
Следни најчести пријавени симптоми се главоболка, назална конгестија и кашлица.
Висока температура или треска и губење на мирис или вкус сега се многу поретки, додека засипнатост, кивање, замор, болки во мускулите и вртоглавица се многу почести.
Топ 20 симптоми на ковид, според податоците од истражувањето на Zoe App:
болно грло 58%
главоболка 49%
затнат нос 40%
кашлица без слуз 40%
течење на носот 40%
кашлица со слуз 37%
рапав глас 35%
кивање 32%
замор 27%
мускули 25%
вртоглавица 18%
отечени вратни жлезди 15%
болки во очите 14%
промени во сетилото за мирис 13%
стегање во градите 13%
треска 13%
грозница или треска 12%
отежнато дишење 11%
болка во увото 11%
губење на мирис 10%
Ова е во согласност со другите истражувања кои се направени неодамна.
Како дел од студијата React-1, научниците секој месец испраќаа тестови до 150.000 случајно избрани луѓе низ Англија.
Наодите од студијата покажуваат дека симптомите што луѓето ги имаат со COVID-19 се промениле како што се развивала пандемијата.
Ова може да се должи на тоа како вирусот се менувал или мутирал со текот на времето, веруваат научниците. Неколку варијанти на COVID-19 се појавија од оригиналниот вид во Вухан.