Кошаркарите на Бостон Селтикс го победија Торонто Репторс на гостински терен со 106:104 и со тоа го задржаа најдобриот рекорд во Источната конференција, па сега имаат 35 победи и 12 порази на 47 одиграни натпревари.
Во текот на целиот натпревар гледавме изедначена кошарка од двете страни, а иако Торонто имаше мала предност во поголемиот дел од натпреварот, Бостон на крајот поведе и дојде до победата.
До победата ги предводеше Џејлен Браун, кој постигна 27 поени, а го следеа Вилиамс со 25 и Брогдон со 23 поени.
Вашингтон Визардс на домашен терен го победи Орландо Меџик со 138:118, додека Шарлот Хорнетс како гостин ја победи Атланта Хокс со 122:118.
Кливленд Кавалирс на домашен терен го победи Милвоки Бакс со 114:102, додека Минесота Тимбервулвс, исто така на домашен терен, го победи Хјустон Рокитс со 113:104.
Феникс Санс на домашен терен ја победи Индијана Пејсерс, а на крајот Филаделфија 76ерс беше подобра од Сакраменто Кингс на гостински терен со 129:127.
Табела:
