Холивудскиот актер Бред Пит доби право на заедничко старателство над децата кои ги има со неговата поранешна сопруга Анџелина Џоли.
Пит успеа да добие заедничко старателство над децата по долга правна битка. Џоли поднесе барање за развод во 2016 година и оттогаш трае битката за старателство. За овој случај беше ангажиран приватниот судија Џон Удеркирк, кој пресуди во корист на Пит.
Со одлука на судијата, Пит ќе добие значително повеќе време со децата.
57-годишниот актер и 45-годишната актерка се родители на пет деца - Пакс (17), Захара (16), Шајло (14) и близнаците Вивиен и Нокс (12).
Самото судење траеше неколку месеци и во него учествуваа многу сведоци, експерти и терапевти. Џоли го критикуваше судијата дека не им дозволил на децата да сведочат.
Џоли не се спротивстави на заедничкото старателство, но наведе „други прашања“ што ќе ја натераат да ја продолжи правната битка. Кога поднела барање за развод од Пит, Џоли како причина ги навела „непомирливите разлики“. Пит беше под истрага за наводно злоставување на деца затоа што „изгубил контрола во нивно присуство“, но беше ослободен од тие обвиненија.
