Веста дека актерот Брус Вилис се повлекува од глумата го обиколи светот. Семејството на Вилис соопшти дека тој боледува од афазија, меѓутоа тој не е првата славна личност која се има соочено со ова нарушување.
Откако 67-годишниот актер ја дозна дијагнозата за неговата здравствена состојба, а која влијае на неговите когнитивни способности, донесе одлука да се повлече од светот на филмот.
Брус Вилис не е единствениот кој страда од оваа состојба.
Шерон Стоун во 2001 година поради аневризма во мозокот претрпе церебрално крвавење кое траеше 9 дена. Тогаш имаше 43 години. Потоа, актерката изјави дека ја изгубила способноста за читање и развила проблеми со говорот.
Емилија Кларк, ѕвездата на „Game of Thrones“, по снимањето на првата сезона на серијата, во 2011 година доживеала силна главоболка додека вежбала со тренерот.
„По крвавењето не можев да се сетам на сопственото име. Наместо тоа, зборував бесмислени зборови и почнав да паничам. Никогаш не сум доживеала таков страв“, опиша актерката во есеј кој минатата година го напиша за New Yorker. Нејзината афазија исчезна по една недела.
Поранешниот метеоролог и репортер Марк Меквен работел во CBS 16 години пред да доживее мозочен удар во 2005 година. Меквен јавно ја опиша неговата борба со афазија, а откри дека песните на Стиви Вондер и Битлси му помогнале да зборува потечно.
Овој феномен се случува бидејќи левата хемисфера на мозокот е одговорна за јазикот, но дената хемисфера е повеќе специјализирана за мелодија.