Демонстрантите кои вчера протестираа пред бугарскиот парламент против пандемиските мерки се судрија со полицијата, јавува Reuters.
Демонстрантите кои с епротив вакцинирање и носење маски за заштита од коронавирусот се пробија низ големиот полициски контингент и стигнаа до главниот влез на Народното собрание, во кое сепак не влегоа.
Премиерот Кирил Петков ги повика демонстрантите да се договорат за „нов модел за борба против следниот бран“ на инфекции со COVID-19 со вклучување на нивните претставници во работна група со владини претставници.
Тврдат дека мерките им ги ограничуваат слободите
Петков за бугарската телевизија изјави дека од овој протест мора да произлезат „конкретни мерки“.
Стотици приврзаници на националистичката партија Препород се собраа пред парламентот на протест против мерките за спречување на ширењето на инфекцијата и програмите за вакцинација.
Тврдат дека со овие мерки им се ограничуваат слободите, па од протест не носеле маски.
Демонстрантите дојдоа во Софија со автобуси од целата земја.
Рекордни 7.062 новозаразени лица за 24 часа беа потврдени вчера во Бугарија. Бугарија е најлошо вакцинирана земја во ЕУ.
