Одгледувањето растенија стана не само хоби, туку и израз на креативност. Започнувањето со едно растение во затворен простор може да биде почеток на патување кон дом кој ќе биде украсен со разновидно зеленило.
За да ја покажете вашата креативност и да го освежите изгледот на вашите растенија, едноставно свртете се кон „направи сам“ проектите.
Во едно неодамнешно видео на TikTok, корисникот @diy_decoration_by_adisa покажа како со жица и камења може да се направат прекрасни саксии за цвеќиња и растенија, а неговите следбеници се воодушевени. За само два дена видеото собра повеќе од 34 милиони прегледи, над 807.000 лајкови и 1.800 коментари.
За почеток, формирајте круг од жица и врзете ги краевите заедно, а потоа закачете парче жица на врвот. После тоа, растенијата се ставаат во внатрешноста, а околу нив се посипуваат камења. Крајниот резултат е прекрасна саксија која одлично се вклопува во дворната средина.
Правењето ваши саксии не мора да биде скапо - сѐ што ви треба за овој потфат е жица (како онаа што се користи за огради или жичени мрежи за заштита на растенијата или изградба на кафези за живина) и камења.
@diy_decoration_by_adisa DIY #diy#selfmade#outdoordiy# viral#foryou #foryoupage ♬ sonido original - ♡Renè Liric'S♡ 🎶'
Овој „направи сам“ проект на TikTok предизвика голем ентузијазам: „Ја обоив жицата во бела боја за подобро да се спои со камењата“, „Изгледа убаво“, „Го обожавам, одлична идеја“, напишаа некои под видеото.
