Фудбалерите на Осасуна како седмопласирана екипа во последното шпанско првенство се пласираа во тековните квалификации за Европа Конференциската лига, но УЕФА им го сруши сонот за влез во групната фаза од натпреварувањето, ценејќи дека актуелната управа на клубот е должна да плати за местењето натпревари од претходното раководство во сезоната 2013/2014.
Спортскиот арбитражен суд во Лозана резонираше сосема поинаку, па Баскијците ја добија „војната“ со докази и си го вратија правото да играат во Европа, но УЕФА најде нов начин да ги казни за стариот грев.
Тимот од Памплона сигурно ќе се најде во барабанот на извлекувањето на двојките за плеј-офот од Конференциската Лигата на 7 август, а Атлетик од Билбао нема да може да го заземе неговото место на заленаа маса, туку Етичко-дисциплинската комисија од Нион одреди двегодишна условна суспензија од своите натпреварувања, која ќе се активира во случај да го повтори истиот прекршок.
Дополнително, Осасуна мора да плати казна од 100.000 евра изречена од УЕФА, која го задржува и правото на 5% од заработката од продадените билети за домашните натпревари во Европа Конференциската лига.
Осасуна последен пат во Европа играше во сезоната 2006/2007 кога загуби од Хамбургер во квалификациите за Лигата на шпампионите, а потоа истата сезона стигна до полуфиналето на УЕФА купот каде беше елиминирана од, нормално, Севиља.