Барселона загуби со 5:3 на домашен терен од Виљареал во 21. коло од Ла Лига.
По натпреварот тренерот на Барселона Чави Ернандес (44) изјави дека го напушта клубот на крајот на сезоната.
Чави ја презеде Барселона во ноември 2021 година, а неговиот договор е до крајот на јуни 2025 година.
Сепак, нема да го заврши откако против Виљареал беше потврдено дека Барселона игра лоша сезона.
„Ме прашаа, не знам колку пати, дали ќе бидам сер Алекс Фергусон од Барселона. Вистината е дека тоа никогаш нема да се случи. Вие новинарите не ми го дозволувате тоа. Многу е тешко да се биди тренер на Барселона. Гледаш како те критикуваат, како сакаат да те убијат. Сето тоа влијае на една личност“, изјави Чави.
Барселона во четвртфиналето беше елиминирана од Купот на кралот од Атлетико, а во Лигата на шампионите на 21 февруари во осминафиналето ќе игра со Наполи.
Чави досега ја предводеше Барселона на 122 натпревари. Има 76 победи, 20 нерешени и 26 порази.
Со Барселона го освои шпанското првенство и домашниот Суперкуп во 2023 година.
