Многу полесно од очекувањата тимот на Челси го совлада и елиминира Манчестер Јунајтед и се избори за настап во големото финале.
На првиот гол се чекаше дури до судиското надополнување од првиот дел. Таму, дури во 11. минута, Сесар Аспиликуета одлично го пронајде Оливје Журу во казнениот простор на „Црвените ѓаволи“, а искусниот напаѓач ја затресе мрежата носејќи водство.
На 2:0 „Сините“ зголемија уште во првиот напад по паузата кога ударот од далечина на Мејсон Маунт не успеа да го задржи голманот Давид де Хеа.
Во 74. минута Маркос Алосно протна една топка во петерецот каде Хари Мегваер со автогол стави крај на надежите на Манлестер Јунајтед за финале.
На пет минути пред крајот Бруну Фернандеш од белата точка постигна почесен гол за тимот на Оле Гунар Солскјер кој сепак се збогува со последната шанса за титула сезоната.
Челси сега го очекува големата финална пресметка против Арсенал закажана за 1 август исто така на „Вембли“. За двaта тима тоа ќе биде рекордно финале број 21, но Арсенал ќе го брка 14-тиот трофеј, додека Челси 9-тиот.
