Две здруженија на фудбалери се заканија дека ќе ја тужат ФИФА поради проширениот формат на Светското клупско првенство.
ФИФпро и Асоцијацијата на лигите, која е составена од 46 натпреварувања ширум светот (пет европски национални првенства и МЛС), не се согласуваат со одлуката на ФИФА да се одржи Светското клупско првенство во формат со 32 тима, кој би траел над 29 дена.
Овие две организации не дадоа нов датум за одржување на Мундијалот, но бараат овој предлог да биде разгледан на следниот конгрес на ФИФА.
Според одлуката на ФИФА, Светското клупско првенство треба да се одржи во 2025 година во проширен формат со 32 тима, каде ќе се одиграат вкупно 63 натпревари.
Ќе бидат формирани 8 групи со по 4 тима, а најдобрите две од секоја група ќе продолжат во нокаут фазата.
На клупскиот Мундијал ќе учествуваат 12 екипи од Европа, 6 од Јужна Америка, по 4 од Северна и Централна Америка и Африка, како и 1 клуб од Океанија.
