Се случува често да сме во заблуда дека по неколку дена сончање на плажа или покрај базен ќе добиеме убав темен тен, но за жал се случува спротивното. Сонцето е немилосрдно доколку кожата не ја заштитиме со соодветна крема. Доколку сепак се случи да изгорите, дознајте што не треба да правите.
Сте се вратиле од море, езеро или од базен и веќе сте дома. Сфаќате дека црвенилото на вашето лице не е реакција на жешкото време, туку е изгорено од сонцето. За да го прекриете пред излегување, инстинктивно сакате да нанесете слој шминка. Ова е грешка што не смеете да ја правите.
Нанесувањето шминка на изгорено лице само ќе ја влоши болката. Како резултат на тоа нема ниту да ја поправите штетата, ниту да ја отстраните, туку напротив.
Слично е и кога ќе одлучите да направите пилинг штом кожата ќе почне да се лупи. Производите за оваа намена содржат активни состојки кои имаат абразивно дејство. Затоа, најдобро е да ги избегнувате по сончање.
Најдоброто нешто што може да го направите откако ќе изгорите на сонце е да ја негувате кожата со хранливи лосиони, хидратантни креми кои содржат алое вера и слично.
И за крај, најдобро е да направите пауза од сончање за да закрепне кожата.
