Многумина имаат погрешна претстава за тоа како би требало да изгледа здравиот сексуален живот.
Мит 1: Двајцата мора да бидете расположени
Нормално е расположението за сексуални односи да варира кај двајцата партнери и до 15 проценти од времето. На расположението влијаат многу фактори, но најдобро решение е да ја искористите приликата кога ја имате наместо да чекате работите да се поклопат.
За да ја задржите возбудата во врската излезете малку од комфор зоната и пробајте нови пози или локации.
Мит 2: Најдобар секс е оној спонтаниот
Факт е дека во ова модерно време тоа што нема да го договориме, не го ни правиме. Очекувајќи сексот да се случи сам од себе може да доведе до долг период без истиот. Сепак, кога ќе се договорите тоа покажува дека и двајцата имате што да очекувате.
Мит 3: Треба да имате секс три пати неделно
Со редовниот секс се негува меѓусебниот однос, но не треба да бидете оптоварени со бројки. Повеќето среќни парови немаат секс секој ден, па ни три пати неделно. Поважно од тоа колку пати секс неделно имате е фактот колку сте двајцата задоволни.
Ако не сте, обидете се да најдете решение.
Мит 4: Само долгиот секс е добар секс
Колкумина можат денес да си дозволат долг и бавен секс, со оглед на тоа што често немаме време или сме премногу уморни за такво нешто? Ако го чекате совршениот момент за таков секс, тоа може да доведе односи да имате само на годишен одмор. Прифатете ја секоја прилика за секс, па дури и за секс на брзина.
Тоа може да го подобри нивото на вашата енергија и да го подобри расположението, пишува Health.