Секогаш е мотивирачки кога ќе видите поединец кој успеал да изгуби многу килограми. Сепак, таков успех не може да се постигне преку ноќ. Потребна е голема пожртвуваност за да се постигне целта. Меѓутоа, со постепено менување на навиките, можно е да се видат резултати дури и по само еден месец.
Ако сакате да изгубите килограми на долг рок, најважно е да почнете да ги менувате вашите навики во исхраната. Најдобар начин е постепено да ги менувате навиките, за вашето тело полесно да се прилагоди.
Нутриционистката и авторка на книгата „Finally Full, Finally Slim“ Лиса Јанг сподели четири ефективни совети за исхрана доколку сакате да изгубите килограми и да стекнете навики за поздрав начин на живот.
Нутриционистката Јанг наведува дека консумирањето зеленчук создава чувство на ситост, а во исто време тоа е храна која има низок удел на калории. Покрај тоа, богата е со влакна кои помагаат при слабеење, а содржат и витамини, минерали и антиоксиданси кои се корисни за човековиот организам.
Понекогаш не е доволно само да се храниме здраво. Воспоставувањето на калориски дефицит е всушност најважниот сегмент во слабеењето бидејќи многу здрава храна како што се јаткастите плодови може да има висока калориска вредност. Сепак, Јанг наведува дека не треба драстично да го намалувате внесот на калории, туку да додадете дополнителна физичка активност за да согорите одреден број калории.
Нашето тело има потреба од протеини секој ден бидејќи тие помагаат да се изгради и одржува мускулната маса. Сепак, за слабеење треба да изберете протеини со помал процент на масти, како што е рибата.
Според нутриционистката Јанг, помалата потрошувачка на јаглехидрати помага при слабеење бидејќи е извор на енергија, а кога не е достапна, телото користи складирани масти, што доведува до губење маснотии. Освен тоа, помалиот внес на јаглехидрати го зголемува чувство на ситост бидејќи го намалува гладот и желбата за нездрава храна.