Сексуалните терапевти открија што се случува со женското тело кога жената ќе престане да биде сексуално активна.
Докторката Сари Купер објасни дека како што се намалува активноста со годините, вагиналните ѕидови се опуштаат.
„Ако повозрасните жени немаат редовни сексуални односи, вагиналните ѕидови се опуштаат, а ако повторно се одлучат на сексуални односи, тоа може да биде многу болно“, вели докторката.
Една од главните последици на неактивен сексуален живот е губење на либидото, односно незаинтересираноста за секс и уживањето во него.
„Луѓето кои се воздржуваат од секс со текот на времето почнуваат да се чувствуваат тромо, а желбата за секс полека исчезнува. Некои од моите клиенти тоа го опишуваат со изреката ‘Далеку од очи, далеку од срце’“, објаснува докторката.
Жените кои немаат редовен секс најчесто наидуваат на проблеми со изразено болни менструални грчеви. Според терапевтот Роберт Шнајдер, сексот помага за ублажување на болката.
„Матката е мускул, а многу жени за време на оргазмот всушност доживуваат контракции на матката, што предизвикува побрзо исфрлање на крвта. Грчевите се намалуваат, а менструалната крв полесно излегува од телото. Исто така, може да дојде до зголемување на ендорфинот, што исто така помага кај менструалните грчеви“, вели Шнајдер.
Намалената сексуална активност со себе носи и намалено вагиналнo подмачкување.
„Младите жени на возраст од 20 или 30 години имаа многу естроген кој обезбедува ткивата да останат здрави, еластични и подмачкани за време на апстиненција. Кај жена на 60-годишна возраст, штом еднаш естрогенот исчезне, не се враќа“, вели терапевтот Лорен Страјкер.
