Со текот на времето пешкирите ја губат својата мекост и стануваат погруби и крути. За среќа, постојат начини кои ќе помогнат да се врати нивната мекост и повторно да изгледаат како нови.
1. Не преоптоварувајте ја машината за перење
Ако ставите премногу алишта во машината, тоа може да го спречи перењето и доброто миење на пешкирите. На нив може да останат остатоци од детергент и нечистотија, што ќе ги направи груби на допир.
2. Умерено користете детергент
Ако ставите премногу детергент, алиштата, вклучително и пешкирите, нема да се измијат подобро, а поради вишокот детергент пешкирите ќе бидат крути и груби.
3. Протресете ги пешкирите пред да ги ставите во машина за сушење
Сушењето во машина за сушење алишта исто така може да ги направи алиштата погруби. За да го избегнете ова, протресете ги пешкирите пред да ги ставите во машината за сушење.
4. Користете алкохолен оцет наместо омекнувач
Како и детергентот, остатоците од омекнувачот може да останат на пешкирите и да ги направат погруби наместо помеки.
Затоа, се препорачува барем повремено да го замените омекнувачот со алкохолен оцет, кој има омекнувачки својства и не се задржува на влажни ткаенини. Исто така, препорачливо е да не се користи омекнувач на секое трето или четврто перење.