Се ближи крајот на Мундијалот во Катар, а освен што полуфиналните двојки гарантираат вистински спектакл, веќе е јасно дека идниот шампион ќе испише фудбалска историја.
Можни се четири сценарија, а во секоја варијанта ќе добиеме спектакуларен исход.
Доколку Аргентина стане светски шампион, што веројатно би била најголема вест, Лионел Меси за прв пат во кариерата ќе се искачи на светскиот врв, а според многумина веќе нема да има дилема кој е најдобар фудбал играч на сите времиња (во трката со Кристијано Роналдо, чија репрезентација испадна од натпреварувањето).
The 4 possible scenarios of this World Cup: First World Cup for Leo Messi. 🇦🇷 First World Cup for Croatia. 🇭🇷 First...
Posted by Transfer News Live on Sunday, December 11, 2022
Друга можност е Хрватска да го освои златото, што ќе им биде прва титула по среброто од Русија и бронзата од Франција, а „Огнените“ да станат само деветта нација со титула светски првак.
Истото важи и за Мароко, кој веќе стана првата африканска репрезентација во полуфиналето на Мундијалите и секако нивната евентуална титула би била убедливо најголемата сензација во историјата на Мундијалите.
Конечно, ако Франција ја освои титулата вторпат по ред, таа би станала првата репрезентација која ја одбранила титулата по 60 години. Пред нив успеаја само Бразил во 1962 година и Италија во 1938 година.
Да потсетиме, во полуфиналните дуели силите ќе ги одмерат Аргентина и Хрватска, како и Франција и Мароко.
Први на теренот ќе излезат „Гаучосите“ и „Огнените“, кои се среќаваат во вторник во 20 часот, а ден подоцна во истиот термин ќе играат „Триколорите“ и „Лавовите на Атлас“.
Натпреварот за третото место е закажан за в сабота од 16 часот, а финалето ќе се игра в недела исто така со почеток од 16 часот.