Дијабетес тип 2 е сериозна здравствена состојба која вклучува покачен шеќер во крвта, а обично се активира од прекумерна телесна тежина и недоволна физичка активност.
Како што пренесува Express, постојат неколку симптоми кои повеќето луѓе ги игнорираат, а кои всушност се јасни показатели за оваа хронична состојба.
Доколку не се препознае навреме, дијабетесот може да доведе до бројни сериозни здравствени состојби, а за да се спречи трајно високо ниво на шеќер во крвта, помага да се препознаат симптомите кои укажуваат на покачено ниво на шеќер во крвта.
Како што откриваат експертите, најчестите симптоми на дијабетес тип 2 кои никогаш не треба да ги игнорираме вклучуваат:
- често мокрење, особено ноќе
- чувство на голема жед
- замор
- необјаснето губење на тежината.
Иако се јавуваат нешто поретко, други симптоми на дијабетес тип 2, исто така, вклучуваат чешање на гениталиите, бавно зараснување на раните, заматен вид, зголемено потење, недостаток на концентрација, чести инфекции и несвестица.
