Кога јадете банана, не ја фрлајте кората, бидејќи таа е една од најдобрите негуватели, но и незаменлив додаток за вашите собни растенија.
Доколку ги користите овие четири едноставни трикови за да се грижите за вашите цвеќиња, тие ќе ви се заблагодарат, а ќе имате бујни, здрави и убави цвеќиња на кои сите ќе им позавидат.
Еден од најдобрите начини да ги направите вашите миленици да блескаат е да ги избришете листовите со кора од банана. На овој начин ќе ги исчистите од прашина, но и ќе ги нахраните нивните зелени делови. Листовите ќе добијат сјај и исполнетост. Оваа постапка можете да ја повторувате двапати месечно.
Кората од банана е од органско потекло и лесно се распаѓа и се претвора во компост, кој е најдобар додаток за растенијата. Кората од банана исечкајте ја на парчиња, па закопајте ја во санксијата околу растенијата или во почвата околу розите. Растенијата ќе бидат побујни и поубави, а розите ќе цветаат како никогаш досега.
Друга предност на кората од банана е тоа што со неа лесно можете да се ослободите од инсектите. Идеална е за сите оние кои имаат градина и не сакаат да користат инсектициди. Изблендирајте ја кората од банана, па закопајте ја неколку сантиметри длабоко околу растенијата и инсектите ќе се разотидат.
Ако користите кора од банана, нема да ви требаат дополнителни средства за да ги нахраните вашите собни растенија. Направете едноставен раствор за наводнување на цвеќињата. За наводнување на растенијата, најдобро е да ја користите кората од презрелите, потемнети банани, која ќе ја ставите во вода и ќе додадете малку кафеав шеќер, па ќе оставите да отстои ден-два.
Кората од банана е вистински благодет за нега на растенијата благодарение на минералите што ги содржи - калциум, фосфор и калиум. Тие минерали од кората ќе бидат ослободени во водата по 24 до 48 часа и ако ги полевате растенијата со овој раствор еднаш неделно, вашата соба во која чувате цвеќиња ќе изгледа како ботаничка градина во текот на целата година.
