Експертите за орална хигиена сметаат дека четките за заби треба повремено темелно да се мијат, иако многумина мислат дека е доволно да ги исплакнете под млаз вода по употреба.
Професорот Марк Б. Дисросис од Универзитетот во Бостон наведува дека бактериите на четките за заби лесно се размножуваат, па затоа треба редовно да се дезинфицираат.
„За време на сезоната на грип и настинки, четките треба добро да се мијат и дезинфицираат еднаш неделно. Без разлика каква четка користите, таа секогаш се чисти на ист начин од дното нагоре. По темелното чистење и миењето со топла вода, натопете ја четката во чаша со 3% водород пероксид најмалку 15 минути“, објаснува тој.
Потоа исплакнете ја четката со вода и оставете ја во отворен сад да се исуши на воздух.
„Топлата и влажна средина предизвикува размножување на различни микроорганизми, затоа треба да се чуваат на што е можно поладно и суво место“, посочи тој.
Иако темелно ја чистите и одржувате четката за заби, препорачливо е да ја менувате на секои три месеци.
