Неверојатна ноќ имаше Јанис Адетокунбо постигнувајќи дури 64 поени во победата на Милвоки Бакс над Индијана Пејсерс од 140:124.
Со тоа Гркот од нигериско потекло постави рекорд во франшизата, надминувајќи го претходниот подвиг на Мајкл Ред од 57 поени во 2006 година.
Адетокунбо забележа и 14 скока, 20 од 28 шутираше од поле и 24 од 32 од линијата за слободни фрлања. Тој стана првиот играч во историјата на НБА кој постигнал најмалку 20 поени од поле и 20 слободни фрлања во еден натпревар, при што имаше најмалку 70% реализација во двата сегмента.
Демиен Лилард додаде 21 поен за Бакс, а Тајрис Халибартон и Мајлс Тарнер постигнаа по 22 поена за Пејсерс.
Ентони Дејвис постигна 37 поени и забележа 10 скока во победата на Лос Анџелес Лејкерс над Сан Антонио Спарс од 122:119.
Така продолжи неверојатната серија порази на Спарс која ја зголемија на 18, а не им помогна ниту Виктор Вембанјама со 30 поени и 13 скока.
Резултати:
Детроит Пистонс - Филаделфија 76ерс 111:129
Вашингтон Визардс - Њу Орлеанс Пеликанс 122:142
Мајами Хит - Шарлот Хорнетс 115:104
Торонто Репторс - Атланта Хокс 135:128
Хјустон Рокетс - Мемфис Гризлис 117:104
Милвоки Бакс - Индијана Пејсерс 140:126
Сан Антонио Спарс - Лос Анџелес Лејкерс 119:122
Феникс Санс - Бруклин Нетс 112:116
Јута Џез - Њујорк Никс 117:113
Табела: