Ноќеска на терените во НБА се одиграа четири натпревари, а Торонто Репторс по голем пресврт ги совлада Вашингтон Визардс со 111:107.
Иако во еден момент заостануваа дури 23 поени, Репторс направија своевидно чудо на крилјата на Камерунецот Паскал Сиакам.
Сиакам постигна дури 39 поени, од кои 22 во третата четвртина. Скоти Барнс постигна 19 поени, Австриецот Јакоб Пелтл додаде 13, а Нигериецот Прешс Ачиува 10.
На другата страна Кајл Кузма постигна 34 поени, Дениел Гафорд и Џордан Пул по 14 за Вашингтон, а Тајус Џонс, Кори Кисперт и Билал Кулибали по 10.
Во победата на Милвоки Бакс над Чикаго Булс од 118:109 се истакна Јанис Адетокунбо со 35 поени и 11 асистенции.
Боби Портис имаше дабл-дабл со 19 поени и 10 скока и имаше значаен придонес во победата на домашните, додека Демиен Лилард се опорави од повредата и постигна 12 поени.
Кај Чикаго најефикасни беа Никола Вучевиќ со дабл-дабл од 26 поени и 12 скока, Зек ЛаВин со 20, Коби Вајт со 16 и Патрик Вилијамс со 13 поени.
Резултати:
Бостон Селтикс - Њујорк Никс 114:98
Торонто Репторс - Вашингтон Визардс 111:107
Милвоки Бакс - Чикаго Булс 118:109
Сакраменто Кингс - Кливленд Кавалирс 132:120
Табела: