Американскиот Сенат едногласно го потврди поранешниот дипломат Вилијам Барнс за шеф на ЦИА.
Кандидатот на Џо Бајден, 64-годишниот Барнс, кој служеше и во демократската и во републиканската администрација, е првиот дипломат кој ќе ја води ЦИА.
Во претходните години од Сенатот беа потврдени неговите кандидатури за амбасадор во Јордан и во Русија, како и за три високи положби во Стејт Департментот.
Во текот на сослушувањето пред Одборот, Барнс изнесе четири приоритети: луѓе, партнерства, Кина и технологија.
Кина ја нарече „голем, авторитарен соперник“ кој ги засилува капацитетите со кражба на интелектуална сопственост, репресија над граѓаните и ширење на влијание внатре во САД.
Натпреварувањето со Кина беше еден од главните приоритети на Бајден и членовите на Конгресот, кои сакаат да заземат поостар став кон Пекинг.
Одборот исто така едногласно ја поддржа номинацијата на Барнс.
