Без разлика кој бренд е и колку е опремено, тешко е да се поверува дека едно комбе вреди 364.900 евра, особено ако се работи за Volkswagen Transporter. Но, овој примерот е исклучок.
Станува збор за Porsche што го крие во „руво“ на VW Transporter и што е многу ретко. Приказната за ова комбе започна во 1985 година кога на инженерите на Porsche им требаше брз начин за транспорт на резервни делови за рели моделот 959 за време на релито Париз - Дакар. Бавниот Volkswagen T3 не доаѓаше предвид бидејќи не можеше да биде во чекор со брзото рели, поради што Porsche реши да направи модификации.
Најважната промена е вградувањето на 6-цилиндарски мотор позајмен од Porsche 911 3.2 Carrera, кој развиваше 228 КС и дозволуваше максимална брзина од 185 км/час. Силата се испраќаше до задната оска преку менувач на Porsche, а новата суспензија и помоќните сопирачки ги комплетираа механичките подобрувања.
Визуелно, B32 се одликуваше со комплет од 16-инчни Fuch фелни, дополнителни странични отвори за ладење на моторот, поголема издувна цевка, внатрешност обложена со кожа, лого на Porsche на воланот, дополнителни копчиња во долниот дел на централна конзола и други детали.
Се верува дека само седум примероци од моделот VW T3 B32 се произведени во работилницата на Porsche во Велшерат, а еден од нив се продава во Porsche Classic Center Gelderland во Холандија. Станува збор за копија специјално направена за Петер В. Шуц кој во тоа време беше директор на Porsche. Затоа неговата вредност е поголема во однос на останатите шест.
Според информациите за комбето има сериски број на Porsche и во германската документација е класифицирано како возило на Porsche. Произведен е во 1985 година, но е регистриран дури во јули 1988 година. Досега има поминато 130.770 километри и е во добра состојба и покрај староста, но му треба одржување.
Цената на комбето е 364.900 евра.
Погледнете го од секој агол во нашата ГАЛЕРИЈА.
