Новиот модел на романската автомобилска компанија под покровителство на Renault е погодна комбинација на караван и кросовер во кои можат да се сместат седум лица.
Продолжението на приказната што започна со новата генерација Sander Stepway се крие зад името Jogger, а практичната комбинација на караван и кросовер може да се смета за наследник на моделот Lodgy Stepway, кој веќе не во понудата на романската автомобилска компанија зад која стои Renault.
Dacia ќе го понуди 4,55 метри долгиот Jogger во комбинација со пет или седум седишта, а компанијата, која во последниве години може да се пофали со одлични продажни резултати низ целиот свет, ветува дека робусниот и практичниот Jogger ќе вреди за парите.
Во комбинација со пет седишта, багажниот простор може да „проголта“ 708 литри, а со потпирачи на седиштата во вториот ред, волуменот на товарниот простор изнесува 1.819 литри. Бројни отворени и затворени прегради се задолжени за дополнителни 24 литри.
Jogger е придвижуван од познатиот (турбо)бензински трицилиндерски мотор кој Dacia претходно го претстави заедно со сегашните Sandero и Sandero Stepway. На врвот на понудата (засега) се наоѓа турбобензинец со 110 коњски сили во комбинација со шестбрзински мануелен менувач, а со Jogger нема да се нудат дизел мотор и погон на сите тркала. Исто така постои и економична опција Eco-G напојувана од автогас.
