Во салоните во Британија, Dacia почна кампања со која понуди бесплатни термофори со што го исмејува BMW и уште неколку производители поради нивното воведување „претплата за греење седишта”.
Dacia ги промовира термофорите под назив "Heated Seat Saviors”со што ја исмејува одлуката на BMW и други производители кои одлучија да наплаќаат претплата за греење на седиштата во ладните зимски денови.
Романскиот производител истакнува дека е познат по своите едноставни решенија со кои се избегнуваат дополнителни трошоци за купувачите. Производителот истакнува дека флегшип верзиите на моделите Sandero Stepway, Duster и Jagger имаат греачи на предните седишта во стандардна опрема.
„Термофорите се шега, но тие навистина ја истакнуваат насоката на индустријата која се шири во насока на претплата за пристап до функции. Да се бара од некого да плати дополнително за да активира фабрички вградена опрема дефинитивно не е стил на Dacia”, вели директорот на Dacia за Велика Британија, Лук Бред.
