Дали некогаш сте се прашале дали некаде во светот има некој кој изгледа исто како вас, а со кој не сте во роднинска врска?
Статистички, се проценува дека за секое лице има по 7 двојници ширум светот.
Љубопитноста дали има некој кој изгледа како нас, го разгорува глобалниот феномен на луѓе кои ги бараат своите двојници. Веб-страниците што постојат токму за наоѓање на ваквите „двојки“, како TwinStrangers.net, веќе привлекоа над милион луѓе од целиот свет.
Феноменот го привлече вниманието на водечките експерти за близнаци на Одделот за истражување близнаци во болницата Сент Томас во Лондон. Тие со години ги проучувале сличностите меѓу идентични близнаци и сакаат да видат колку се слични овие несродни двојници.
Во документарецот на Origin се следени приказните на луѓе кои ги бараат своите двојници и за првпат се сретнуваат со нв.
Тие се запознаваат едни со други и дознаваат какви им биле животите и дали имаат и некои други сличности освен физичките. Додека двојниците се запознаваат, тие исто така се подложени на низа тестови од страна на експертите за близнаци во болницата Сент Томас. Тука е вклучено мерење на сличностите на карактеристиките на лицето користејќи ја најновата технологија за 3D скенирање, 2D анализа за препознавање на лице и тестирање на ДНК.
Експертите потоа им дадоа на 100 луѓе да ги оценат сличностите од фотографиите од најслични до најмалку слични. Земајќи ги предвид сите резултати, експертите за близнаци потоа ќе откријат кој пар е најидентичен.
Целиот документарец погледнете го во продолжение:
