Лекарите често им препорачуваат урми на лицата со анемија поради големите количества на железо кои ги содржат, но ова слатко овошје е богато и со други соединенија кои придонесуваат за одржување на здравјето.
Урмите се природен извор на фруктоза, вид на шеќер кој се наоѓа во овошјето кој пакува многу сладост во релативно мал залак. Овошје со просечна тежина од околу 24 грама содржи 67 калории и околу 18 грама јаглехидрати.
Здравствените работници ги советуваат луѓето со дијабетес да бидат свесни за дневниот внес на јаглехидрати, а со оглед на тоа што урмите содржат висока содржина на јаглехидрати, тие предизвикуваат загриженост кај многумина.
Меѓутоа, кога се консумираат во умерени количини, урмите може да бидат дел од исхрана што го одржува доброто здравје за луѓето со дијабетес. Еден сушен плод урма содржи речиси 2 грама влакна или 8 проценти од дневната вредност. Оваа информација е важна бидејќи диеталните влакна му помагаат на нашето тело да ги апсорбира јаглехидратите со побавно темпо, што е особено важно за луѓето кои живеат со дијабетес. Колку побавно се варат јаглехидратите, толку е помала веројатноста дека шеќерот во крвта ќе се зголеми после јадење.
Слаткиот вкус на урмите може да се припише на високата концентрација на природни шеќери. Со оглед на тоа што содржат фруктоза, многумина веруваат дека луѓето со дијабетес треба да се држат настрана од урми.
Општо земено, луѓето со дијабетес треба да јадат храна со низок гликемичен индекс, бидејќи храната со висок гликемиски индекс може да го зголеми нивото на гликоза во крвта.
Сепак, урмите имаат просечен гликемиски индекс од 42, што ги класифицира како храна со низок ГИ.
Дополнително, конзумирањето несолени јаткасти плодови со урми, на пример ореви, може да предизвика уште побавно ослободување на природниот шеќер од урмите. Протеините и мастите кои се наоѓаат во јаткастите плодови ќе се врзат за шеќерот во урмите и ќе го спречат неговото брзо ослободување во крвотокот.
Човечкото тело бавно ги апсорбира влакната и тоа е важно за луѓето со дијабетес, кои мора да дадат се од себе за да избегнат скокови на шеќерот во крвта после јадење.
Ако имате дијабетес, една или два урми на ден по оброк треба да бидат совршено безбедна храна. Меѓутоа, по јадење урми, може да дојде до мало зголемување на нивото на гликоза во крвта. Поради оваа причина, луѓето со дијабетес секогаш треба да се консултираат со својот лекар пред да почнат да јадат урми самоиницијативно.
