Лука Модриќ го започна првиот натпревар на Реал Мадрид оваа сезона на клупата за резерви, а покрај него беше и Тони Крос.
Карло Анчелоти ги стартуваше Аурелиен Чуамени, Федерико Валверде, Едуардо Камавинга и Џуд Белингем во средниот ред за отворањето на Ла Лига против Атлетик Билбао.
Крос во игра влезе во 71. минута, а Модриќ девет минути подоцна.
На прес-конференцијата новинарите ги интересираше дали тоа значи дека двајцата го загубија местото во првите 11 по долга серија години, на што Анчелоти кратко одговори:
„Не можам да кажам дека Крос и Модриќ нема да бидат стартери ова сезона“.
Да потсетиме, и Модриќ и Крос летово го продолжија договорот со Реал на една година. Модриќ наскоро ќе наполни 38, а Крос 33, а многумина очекуваат дека и двајцата ќе го напуштат Мадрид по оваа сезона.