Здравствените агенции на ЕУ соопштија дека нема докази за поддршка на употребата на четвртата доза на Pfizer и Moderna против COVID-19 кај општата популација, но препорачаа т.н. втора бустер доза за лица над 80 години.
Во Европската Унија нема јасен доказ дека заштитата со вакцини од тешка форма на болеста е значително ослабена кај луѓето со нормален имунолошки систем на возраст меѓу 60 и 79 години, се вели во заедничката изјава на Европската агенција за лекови (EMA) и Европскиот центар за превенција и контрола на болести (ECDC).
Сепак, тие предупредија дека можеби ќе треба да се размисли за четврта доза за таа возрасна група доколку се промени епидемиолошката ситуација. Двете агенции се согласија дека четвртата доза може да се даде на возрасни постари од 80 години.
Препораката дојде една недела откако министрите за здравство на ЕУ ја повикаа Комисијата да поддржи давање четврта доза на лица над 60 години за да се зајакне имунитетот од недостаток на вакцина која работи конкретно против варијантата омикрон.
Студија од Израел покажа дека постарите граѓани кои примиле втора дополнителна доза од вакцината Pfizer имале 78 проценти помала стапка на смртност од COVID-19 во споредба со луѓето кои примиле единечна бустер доза.
Европските агенции објавија дека нема убедливи докази за „додадената вредност на четвртата доза“ кај лицата под 60 години. Агенциите ќе го разгледаат најдоброто време за дополнителни дози, веројатно искористувајќи ги приспособените вакцини кога кампањите за вакцинација ќе започнат наесен, според Reuters.