Долготрајната криза на релација Белград-Приштина, како и безбедносните инциденти на Вагнер со државниот врв на Русија, ги подгреаја приказните за можно доаѓање на оваа платеничка група во Србија поради ситуацијата со Косово.
Уште на почетокот на годинава, Политико пишуваше за можно доаѓање на војниците на Вагнер во Србија, каде оваа група има свој центар. Податоците кои ги објави Политико се резултат на истрагата на американските разузнавачи кои со месеци собирале податоци за операциите на Вагнер надвор од Русија.
Мотив за претходните доаѓања на вагнеровци во Србија било запирање на антируското влијание во Србија, а сега би можело да биде улогата во безбедносното надмудрување помеѓу Србија и Косово.
Исто така, активно се зборува дека основачот и водачот на Вагнер сега би можело да го прошири списокот на држави за регрутација на војници, по неуспешната побуна и падот на популарноста во Русија.
Доколку Србија ги прими вагнеровци, ова би можело да предизвика и регионална криза.