Еден месец откако си го кажаа судбоносното „да“, Џенифер Лопез и Бен Афлек решија да направат голема тридневна венчавка за своето семејство и пријателите.
Познатиот пар викендов ќе го прослави својот голем ден, а како што пренесуваат странските медиуми, тоа ќе биде тридневна бајка вредна за светските наслови.
Нивната „интимна забава за семејството и пријателите“ ќе започне со пробна вечера вечерва, потоа ќе продолжи со церемонијата во сабота, а викендот ќе го заврши со скара и пикник в недела.
Како што беше претходно познато, церемонијата ќе се одржи на имотот на Афлек во Рисбороу во сојузната држава Џорџија, а некои од ѕвездите на листата на гости на славниот пар се Мет Дејмон, Џими Кимел, Кејси Афлек и Дреа де Матео.
Се очекува Џенифер да носи венчаница на Ralph Lauren, за која претходно навести дека ќе биде фустан што го носела во еден од нејзините стари филмови.
Во пресрет на возбудливите денови кои претстојат, парот беше забележан на големо семејно пазарење каде што ги направија последните подготовки за големиот викенд.
Двојката била лежерно облечена, а Џенифер ја покажала својата поврзаност со децата на нејзиниот сопруг држејќи се за рака со неговиот 10-годишен син Семјуел.
Да потсетиме, Џенифер ден по венчавката која се одржа на 16 јули потврди дека станала сопруга на Афлек, нејзината долгогодишна љубов.
„Успеавме. Љубовта е прекрасна. Љубовта е љубезна. И се покажа дека љубовта е трпелива. Дваесет години трпение“, напиша таа.
Џеј Ло, исто така, рече дека има намера да го користи презимето на Афлек, кое го навела на нејзината дозвола за брак во округот Кларк, па дури и го потпишала нејзиниот билтен како „Џенифер Лин Афлек“.
Двојката првично се забавуваше од 2002 до 2004 година, што кулминираше со веридбата која на крајот ја откажаа. Минатата година повторно ја разгореа својата романса, а изгледа тоа беше моментот што и двајцата го чекаа.