Турскиот великан официјално потврди дека босанскиот голгетер Един Џеко ќе ја продолжи кариертата во гигантот од Истанбул.
„Светската ѕвезда Един Џеко доаѓа во Истанбул да ги помине лекарските прегледи и да потпише договор. После тоа ќе биде официјално претставен“, објави Фенербахче и со тоа ги реши сите дилеми околу неговата иднина.
Според сите проценки, Џеко уште денеска ќе ги направи лекарските преглед и ќе потпише договор, најверојатно на две години.
Турските медиуми претходно пишуваа дека според тој договор Џеко ќе заработува 5 милиони евра годишно, но и дека ќе добие бонус од 2 милиона евра само поради неговата одлука да потпише за турскиот клуб.
Претходно Џеко не доби понуда за продолжување на соработката со Интер, имаше информации за многу побогата понуда од Саудиска Арабија, но на крајот одлуката падна за Фенербахче.
37-годишниот напаѓач сигурно ќе биде големо засилување за Фенербахче, кој во следната сезона ќе се обиде да атакува на долгоочекуваната титула во Турција, која минатата сезона му припадна на лутиот ривал Галатасарај.
Џеко дојде во Интер пред две години и тоа како слободен играч од Рома, на залезот од кариерата, но покажа дека е мајстор на фудбалската. Се изгори за првотимец и оттогаш забележа 101 настап за миланскиот клуб. Постигна 31 гол, а запиша и 15 асистенции. Популарниот Дијамант со „Нераѕурите“ двапати ја освои Копа Италија, двапати Суперкопа, а сезонава играше и финале во Лигата на шампионите.
Претходно во кариерата играше и за Жељезничар, Усти над Лабем, Теплице, Волфсбург, Манчестер Сити и Рома.