Един Џеко има договор со Интер до крајот на сезоната и најверојатно ќе го смени клубот следното лето. Германски Bild објави дека негов нов клуб би можел да биде Баерн.
Германскиот шампион е во потрага по напаѓач бидејќи не успеа да го надомести заминувањето на Роберт Левандовски во Барселона. Клубот е свесен дека тешко ќе ги доведе Лаутаро Мартинес од Интер или Душан Влаховиќ од Јувентус, па како прва опција го избраа напаѓачот на Тотенхем, Хари Кејн.
Сепак, Тотенхем засега одбива да го продаде Кејн, па Баерн бара друго решение. Планот Б на Баерн е Џеко.
„Да се донесе Џеко би било слично на потегот на Борусија со Модест. Џеко е голем, искусен и опасен, а за разлика од Модест, тој е уште подобар во игра со топка. Во Интер тој покажува дека сè уште може да биде многу корисен за тимот“, пишува Bild за напаѓачот кој во март ќе го прослави својот 37 роденден.
Џеко веќе настапуваше за Волфсбург во Бундеслигата и постигна 85 гола на 142 натпревари. Во Интер е од лани и досега има постигнато 21 гол.
