На 11 април, Венера, планетата на љубовта, од полето на Бик се сели на полето на флертувачките Близнаци, каде што ќе остане до 7 мај. А, што значи Венера во Близнаци?
Подгответе се за возбуда бидејќи Венера во Близнаци обично е време за игра и забава, вели Нарајана Монтуфар, астролог и автор на „Месечеви знаци: Отклучете ја вашата внатрешна моќ на светлината“.
Таа вели дека оваа година Венера формира два интензивни квадрати со Сатурн и Нептун, што може да биде малку збунувачки кога се во прашање меѓучовечките и љубовните односи. Нарајана ја опишува Венера во Близнаци како „пеперутка што скока од цвет на цвет“, што значи дека оваа комбинација носи флерт и отворени можности.
Сепак, нема сè да биде забавно, бидејќи Венера во Близнаци во квадрат со Нептун во Риби од 28 април до 6 мај ќе поттикнува драма.
„Би можеле да трчаме по некој што ни е недостижен, што нѐ прави поподложни на разочарување“, објаснува астрологот и истакнува дека овој астролошки аспект „ги искривува информациите“.
Со други зборови, тоа значи дека нема да можеме да ја видиме поголемата слика ако не се трудиме повеќе да дознаеме сè, па тие денови не се идеални за планирање први состаноци или разговор во кој ќе одредите дали сте во врска која има иднина. Сепак, бидете трпеливи бидејќи и ова ќе помине.
Астрологот Лиса Стардаст вели дека 11 април е еден од најсреќните и најинтензивните денови во 2023 година, што ни дава издржливост и можност да ги манифестираме нашите соништа благодарение на неколку работи. Имено, ќе се случи Венера и Плутон во Водолија да формираат тригон, а истиот ден Сонцето и Јупитер да се порамнат во Овен.
„Тоа го прави еден од најдобрите денови во 2023 година“, тврди Стардаст.