Денешните фудбалери почесто се повредуваат и подолго закрепнуваат, што е последица од поголемиот интензитет на денешниот фудбал и сè поголемиот број натпревари во сезона, велат научници.
Особено страдаат задните мускули на нозете, се наведува во студија објавена во British Medical Journal.
Експерти анализирале медицински податоци од 3.909 професионални фудбалери од 54 европски клубови и од 20 земји, во периодот од 2000 до 2021 година.
Во тој период се забележани 2.636 повреди. Податокот се однесува на 19% од сите пријавени повреди на фудбалери. Нивниот процент во анализираниот период е двојно зголемен, порасна од 12% во првата сезона (2001) на 24% во последната (2021).
Бројот на денови потребни за закрепнување исто така е удвоен, на 13% во просек.
Ризикот од повреди е 10 пати поголем на натпревар отколку на тренинг
Научниците заклучија дека тоа е последица од сè подолгите сезони, односно поголемиот број натпревари од висок интензитет. Мускулите на фудбалерите се во поголем ризик, додека ризикот од повреди се зголемува на натпреварите и е десет пати поголем отколку на тренинг.
Уште една од последиците на денешниот фудбал е и ризикот од повторување на повредата. Меѓу сите повреди во периодот меѓу 2000 и 2021 скоро 20% биле рецидиви. Меѓу нив, повеќе од две третини отпаднале на последици од прерано враќање на теренот.
Во последните две децении, секој петти играч во клубот пропуштил тренинг или натпревар поради повреда на задниот мускул на нозете. Според научниците, фудбалерите можат да очекуваат 8 такви повреди по сезона.