Денеска ќе се случи феноменот затемнување на Сонцето кој ќе биде делумно видлив и од територијата на нашата земја.
Скопското астрономско друштво организира набљудување на овој небесен феномен од плоштадот „Македонија“ во главниот град.
„Ќе можете безбедно преку соодветна опрема на телескопите одблизу да го погледнете ова несекојдневно случување. ВНИМАНИЕ: Немојте да го гледате директно Сонцето без соодветна заштитна опрема, особено не преку било какво оптичко помагало зошто може да има многу несакани последици“, велат од Скопско астрономско друштво.
Затемнувањето на Сонцето ќе почне во 11:27 по локално време, кога Месечината ќе почне да го „нагризува“ Сонцето. Максимумот од околу 30% ќе се случи во 12:34 часот, а целиот настан ќе заврши во 13:42 часот.
