Знаеме дека САД тераат инат, но дали знаете дека има уште две такви држави. Ако не сте слушнале, тоа се Либерија и Мјанмар. Официјално, тие две го немаат прифатено метричкиот систем.
Не, државите обоени во розево не се оние кои Британија, или денес Обединетото Кралство, ги нема нападнато - туку оние кои ги има. Да, речиси цел свет.
Британија со векови важела за една од воено најсилните земји на светот и до денес има извршено инвазија на околу 90% од земјите на светот. Според The Telegraph, постојат само 21 држава кои останале недопрени од британска рака, а тие се Шведска, Белорусија, Лихтенштајн, Луксембург, Андора, Монако, Ватикан, Узбекистан, Киргистан, Таџикистан, Монголија, Чад, Мали, Брег на Слонова Коска, Централна Африка, Бурунди, Конго, Парагвај, Боливија, Гватемала и Маршалски Острови.
Милер, Гарсиа, Алмеида, Роси, Пападопулос, Попеску, Смит, Марфи... секоја европска земја се разликува во најчестото презиме, освен неколку. Презимето Новак е единствено кое како најчесто се јавува во три држави и тоа Полска, Чешка и Словенија.
Интересно е да види што пијалаци преферираат народите ширум светот. Речиси цела во Северна Америка и поголемиот дел од Јужна Америка преферираат пиво, како и половина Европа каде другата половина претпочита вино. Мал дел од Европа и речиси цела Азија преферира жестоки пијалаци, вклучително и Русија каде тука победник е, нормално, вотката.
Дури 7% од домашниот будет на Ирците оди на алкохол. Убедливи светски шампиони во оваа категорија. Добро се држат и Финска, Бутан, Етиопија, Унгарија, Белорусија, Австралија и, верувале или не, Албанија.
Но, овие податоци се според СЗО, а за голем дел од земјите нема податоци (за сите кои се со бела боја).
Дали од филмовите или од брза геграфија, сите сме слушнале за реката Мисисипи која тече низ САД. Но, дали некогаш сте се запрашале колкава е оваа позната река? Ќе останете вчудоневидени доколку погледнете карта на Мисисипи заедно со сите притоки кои се влеваат во незјиното корито.
Кои се најголемите кафеџии на светот? Според податоците, најмногу кафе пијат Скандинавците и тоа Норвешка, Шведска, Финска, Данска и Исланд каде на годишно ниво просечниот жител консумира помеѓу 7,3 и 12,7 килограми кафе. Во овој врв спаѓаат и Холандија и Швајцарија.
Некогаш во историјата лавовите владееле со Африка. Можеби денес кога ќе го спомнеме овој континент веднаш нѐ асоцира на лавови, но кога убаво ќе погледнете ќе видите дека територијата населена со лавови денес е неверојатно помала со онаа која порано тие ја населувале. Воедно, порано лавовите ги имало и на Балканот и тоа и кај нас, како и на Блискиот Исток сѐ до Кавказот и источниот дел на Индија.
Без апликациите за комуникација денес не може да се функционира. Секој има барем една, а некои и повеќе. Според бројот на корисници, борбата за најкористена апликација е помеѓу Messenger и Whatsapp. Messenger на Facebook го користат најголемиот дел од жителите во САД, Канада, Австралија, Франција, Норвешка, Шведска, Полска, Португалија, Алжир, Монголија, Грција и други.
Whatsapp го користи цела Јужна Америка, Мексико, Русија, Индија, Турција, Италија, Германија, Шпанија, Обединетото Крапство, голем дел од Африка и други.
Viber е број еден кај нас, во соседни Србија и Албанија, Босна и Херцеговина, Либија, Украина, Белорусија, Мали, Етиопија, Ирак, Мјанмар и други.