Неверојатен фејл и неверојатна местенка.
Искрено се надеваме дека е местенка, бидејќи е невозможно да се замисли дека има некој што не слушнал за Tesla и електричен автомобилски погон. А токму тоа го сугерира ова видео со две девојки кои се обидуваат да наполнат Tesla автомобил со гориво.
Бидејќи не успеваат да го најдат отворот за полнење гориво, на помош им доаѓа авторот на видеото кој сугерира дека се работи за Tesla, автомобил кој не троши бензин. Една од девојките прашува дали можеби е на дизел, но авторот на снимката извесно време не го дава конечниот одговор.
Конечно, тој им го покажува местото каде што се полни Tesla, со претпоставка дека сите сомнежи се решени. Сепак, коментарот не поминува, а девојката уверува дека знае какво гориво користи нејзиниот автомобил. Потоа девојките наоѓаат „погоден“ отвор - резервоарот за течност за миење на шофершајбната.
