Поранешниот кечер Хулк Хоган стана главна тема на социјалните мрежи поради објавување теории на заговор против вакцинација. Тој стана дел и од критиките на Џими Фелон во најновата епизода на Tonight Show.
Хоган напиша коментар во кој алудираше дека славните Боб Сегет, кој беше пронајден мртов во хотелска соба пред неколку дена, Бети Вајт, која почина во сон на 99 години, како и Сидни Поатје, кој почина на 94 години, починале бидејќи се вакцинирале против COVID-19.
Поврзано со ваквите објави, Џими Фелон вели:
„Хулк Хоган е под голема критика откако сугерираше дека вакцината против ковид е виновна за смртта на некои од познатите личности. Како резултат на тоа, прогласен е за шампион во тешка категорија на Фејсбук. Сега се смеете, но кога Трамп повторно ќе биде избран, тој ќе биде новиот доктор Фаучи“, се пошегува водителот.
Не е првпат Хоган да коментира за вакцините. Уште во април, 2020 година кога почна пандемијата, навести дека можеби вакцините нема да бидат потребни.