Златниот глобус за најдобра драма му припадна на „Nomadland“, најдобра комедија за 2020 е „Borat 2“, додека серијата „Crown“ освои најмногу награди.
Со оглед на пандемијата, седумдесет и осмото доделување на Златните глобус се одржа виртуелно од две локации, Њујорк и Лос Анџелес.
„Nomadland“ на режисеркара Клои Жао освои Златен глобус за најдобра драма. Претходно, Американското национално здружение на филмските критичари го прогласи филмот за најдобар во 2020.
Жао ја освои наградата за најдобар режисер, со што стана втората жена во историјата на Златните глобуси кои имаат освоено вакво признание.
Во категоријата најдобар филм – мјузикл или комедија наградата ја освои „Borat Subsequent Moviefilm“ (Borat 2) со Саша Барона Коен во главната улога на новинар од Казахстан кој носи подарок за американскиот потпретседател Мајк Пенс.
Коен ја освои и наградата за најдобар актер во категоријата комедија или мјузикл, додека за најдобар актерка во истата категорија наградата ја доби Росамунд Пајк.
Серијата „Crown“ на Netflix, која го прикажува животот на британското кралско семејство, е прогласена за најдобра серија за 2020. Ема Корин, која во серијата ја глуми младата принцеза Дијана, е прогласена за најдобра актерка во драмска ТВ-серија. Во категоријата најдобар актер во драмска серија Златниот глобус замина во рацете на Џош О’ Конор, кој во „Crown“ ја толкува улогата на принц Чарлс.
Џилијан Андерсон доби Златен глобус за споредна женска улога во „Crown“, за нејзината изведба во улогата на поранешната премиерка Маргарет Тачер.
Главните награди во телевизиските категории ги освоија сериите „Schitt’s Creek“, приказна за богато семејство принудено да се пресели во мал град, „Queen’s Gambit“.
Корејско-американскиот филм „Minari“ освои Златен глобус за најдобар странски филм.
Американската актерка и активистка Џејн Фонда доби награда за животно достигнување во филмската индустрија.
Погледнете ги највпечатливите моменти од виртуелното прогласување на наградите: