Докторката Таниа Елиот неодамна на својот Instagram профил сподели зошто родителите не треба да ги дупчат ушите на своите деца додека сѐ уште се бебиња.
Оваа докторка, која е и мајка, често споделува корисни содржини за своите следбеници на својот Instagram профил. Така, таа објасни дека пирсот на ушите на млада возраст може да биде една од најчестите причини зошто многу луѓе имаат алергија на никел.
„Како што се развива имунолошкиот систем на детето и кожата се дупчи, телото добива имунолошки одговор. Следниот пат кога ќе биде изложено на нешто што содржи никел, може да дојде до алергиска реакција“, објасни таа.
Рече и дека никелот може да се најде во многу намирници, а често ќе го најдете во нерѓосувачки челик, сребро и злато кои се помалку од 14 карати.
Освен дупчење на ушите, докторката вели и дека не би дозволила децата или некој друг да носат чевли во затворени простории бидејќи на тој начин внесуваат нечистотија, вируси и бактерии. Таа, исто така, ги предупреди родителите да не користат Neosporin, популарна антибиотска крема во САД, бидејќи може да доведе до таканаречен контактен дерматитис.
Потсетуваме дека во последно време често може да се најдат едукативни содржини, каде лекарите и другите стручњаци ги предупредуваат родителите за некои потенцијални проблеми и опасности.