Американскиот актер Џон Траволта (68) ѝ посвети емотивна објава на покојната сопруга Кели Престон, која почина во 2020 година од рак на дојка.
Да беше жива, овој 13 октомври Кели ќе го прославеше својот 60 роденден.
„Среќен роденден на мојата омилена партнерка за танц! Те сакаме и ни недостигаш, Кели“, напиша Траволта на Instagram покрај нивна заедничка фотографија.
Во коментарите под објавата, бројни пријатели, познати личности и обожаватели се јавија да му изразат поддршка и сочувство на актерот.
Траволта и Престон се запознаа во 1987 година на снимање на филм, а се венчаа четири години подоцна. Заедно имаа два сина и ќерка, нивниот најстар син Џет почина во 2009 година, на 16-годишна возраст.