Српскиот кошаркар Никола Јокиќ имаше многу лоша поентерска вечер во победата над Лука Дончиќ, чиј дабл-дабл со 38 поени беше пиров.
Најдобриот светски кошаркар на паркетот мина речиси 28 минути и постигна 8 поени со 9 скока и 7 асистенции, па неговите соиграчи беа оние кои го предводеа актуелниот шампион до победата над расположениот Дончиќ.
Канаѓанецот Џамал Мареј беше најефикасен со 22 поена, 4 скока и 2 асистенции, додека Арон Гордон додаде 21 со по 5 скока и асистенции. Реџи Џексон постигна 20 поени со 4 асистенции, Зики Наџи додаде 14 со 4 скока и 2 асистенции, додека Џулиан Стротер заврши со 12 поени, 3 скока и 2 асистенции. Двоцифрен беше и Пејтон Вотсон со 10 поени, 7 скока и 3 асистенции.
Кај Мавс најдобар беше Лука Дончиќ со дабл-дабл учинок, кому за 2 асистенции му одмина трипл-дабл. Словенецот имаше 38 поени, 11 скока и 8 асистенции, а го следеше само Данте Ексум кој мечот го заврши со 11 поени и 2 асистенции. Никој друг негов соиграч не постигна двоцифрен број на поени.
Меѓу останатите резултати, вреди да се издвои изненадувачкиот пораз на Филаделфија на свој паркет со 108:104 за Чикаго, како и 24-от последователен пораз на Детроит. Пистонс овојпат беа поразени од Атланта Хокс со 130:124.
Резултати:
Кливленд Кавалирс - Хјустон Рокитс 135:130 (прод.)
Индијана Пејсерс - Лос Анџелес Клиперс 127:151
Филаделфија 76ерс - Чикаго Булс 104:108
Атланта Хокс - Детроит Пистонс 130:124
Мајами Хит - Минесота Тимбервулвс 108:112
Торонто Репторс - Шарлот Хорнетс 114:99
Оклахома Сити Тандер - Мемфис Гризлис 116:97
Денвер Нагетс - Далас Маверикс 130:104
Јута Џез - Бруклин Нетс 125:108
Сакраменто Кингс - Вашингтон Визардс 143:131
Лос Анџелес Лејкерс - Њујорк Никс 109:114
Табела:
