Ноќеска во НБА се одиграа пет натпревари, а во центарот на вниманието беше дуелот помеѓу Далас Маверикс и Лос Анџелес Лејкерс кој заврши со тесна победа на Маверикс од 127:125.
Очекувано се истакнаа најголемите ѕвезди Лука Дончиќ и Леброн Џејмс.
Дончиќ го предводеше својот тим до победата благодарение на дабл-дабл учинок од 33 поени и дури 17 асистенции, а Леброн постигна исто толку поени, но со 8 скока и 9 асистенции.
Ефикасен во тимот на Дончиќ беше и Тим Хардавеј со 32 поена, Австралиецот Данте Ексум уфрли 26, додека Грент Вилијамс 19.
Кај гостите од Лос Анџелес најефикасен беше Ентони Дејвис со дабл-дабл од 37 поени и 11 скокови, а изненадувачки, не направи ниту една асистенција. Двоцифрени беа и Остин Ривс со 22 поена и 8 асистенции и Торин Принс со 15 поени.
Денвер Нагетс го совлада Чикаго Булс со 114:106, иако Никола Јокиќ не можеше да игра во поголемиот дел од натпреварот.
Имено, на крајот на втората четвртина, Јокиќ беше во пробив покрај својот истоименик Вучевиќ и се обиде да направи леј-ап, но промаши и веднаш почна театрално да бара фаул.
Кога не го доби, Јокиќ упати низа навреди и пцовки кон судијата, кој не сакаше да свири фаул, па го исклучи од игра.
Јокиќ пред исклучувањето имаше 4 поени, 9 скока и 6 асистенции, додека Вучевиќ мечот го заврши со 26 поени, 16 скока и 5 асистенции.
Резултати:
Бостон Селтикс - Кливленд Кавалирс 120:113
Далас Маверикс - Лос Анџелес Лејкерс 127:125
Чикаго Булс - Денвер Нагетс 106:114
Феникс Санс - Голден Стејт Вориос 119:116
Лос Анџелес Клиперс - Сакраменто Кингс 119:99
Табела: