Далас Маверикс беа поразени од Њу Орлеанс Пеликанс, но тоа не е единствената лоша вест за нив.
Пеликанс беа подобри од Маверикс со 113:106, а во текот на натпреварот останаа и без повредениот Лука Дончиќ. Словенечкиот кошаркар веќе неколку дена чувствува болка во левата надколеница, а во текот на третата четвртина ја истегна ногата, што го спречи да се врати на паркетот.
„Не е добро. Ќе направам магнетна резонанца и ќе проверам што се случува, а потоа и физикална терапија. Тоа е тоа“, рече Дончиќ на прес-конференцијата.
Тренерот на Маверикс, Џејсон Кид, изјави дека забележал дека Дончиќ не се движел добро кога шутирал и кога бил во одбрана, но и покрај с се трудел да се бори и да им помогне на соиграчите.
„Да се надеваме дека не е ништо сериозно, имаме уште неколку дена до натпреварот против Мемфис“, изјави Кид.
Дончиќ запиша 15 поени, 8 скока и 3 асистенции, а во третата четвртина ги промаши сите пет шута. Ја доби и 15-тата техничка грешка сезонава, а следната ќе резултира со суспензија од еден натпревар.
