Во две последователни вечери одигра два маестрални натпревари и му донесе победи на својот тим против Мемфис Гризлис и Лос Анџелес Лејкерс.
Словенечкиот репрезентативец пред натпреварот против Лејкерс се пожали на повреда, а прашање беше дали воошто ќе излезе на терен против тимот од Лос Анџелес.
Играше и запиша 33 поени и дури 19 асистенции. Иако има само 24 години, по натпреварот даде интересна изјава.
„Не знам како играв, бидејќи синоќа речиси и да не спиев. Сè ме боли. Стареам. За среќа, добивме два натпревара, особено против Лејкерс кои се одличен тим. Горд сум“, изјави Дончиќ.
