Јувентус синоќа ја победи Барселона со 3:0. Натпреварот беше чекуван со нетрпение поради првиот судир помеѓу Лео Меси и Кристијано Роналдо по 2018 година.
Португалецот постигна два гола од белата точка, Аргентинецот го одигра можеби најдобриот натпревар сезонава, но името што го одбележа натпреварот беше Џанлуиџи Буфон.
Иако наскоро ќе наполни 43 години, легендарниот голман покажа спектакуларна игра, ги запре сите обиди на домаќините, а особено го полуде Меси.
Аргентинскиот волшебник шутираше дури седум пати, најмногу на еден натпревар од Лигата на шампиони од 2018 година, но Буфон ги одбрани сите седум удари.
Буфон е всушност стар кошмар за Меси. Ова беше нивни шести натпревар еден против друг, а Меси успеа да постигне гол само на еден. За споредба, Роналдо има забиено дури девет голови во текот на кариерата на Буфон.
Синоќешниот натпревар беше фантастичен судир на двајца великани, од кои Буфон се појави како апсолутен победник. Сепак, тој не се ситеше на победата, туку спортски си размени дрес со Меси по средбата.